FjordKysten er eit eldorado for padling. Med tusenvis av øyer, holmar og skjer i vakker urørt natur gir kysten av Sogn og Fjordane deg nokon av dei beste padleopplevingane Norge har å by på. Her kan du finne holmar, skjer og strender berre kajakken kan ta deg til. Dette gjer padling til ein av dei beste måtane å utforske FjordKysten på.
Du kjem ikkje lenger vest i Norge enn til øyane i Solund, Bulandet og Værlandet - ofte omtalt som "Norges Venezia". Dette området er som skapt for padling med eit mylder av små og store øyer, holmar og skjer som gir ly for vind og bølgjer. Eller kanskje du vil padle langs kvite strender og høge fjell i Bremanger? Moglegheitane er mange. Opplevingane unike.
Solund, Bulandet og Værlandet er eit eldorado for padling.
Har du kajakk sjølv ligg alt til rette for ugløymelege padleturar - naturen ventar på deg. Du kan også vere med på organiserte turar. Nils Bjørgo tar deg med på guida padleturar i øyriket Solund, og har også utleige av kajakk. Norway AdvenTURes skreddarsyr guida kajakkturar langs FjordKysten, med alt frå dagsutflukter til turar over fleire dagar. Dei har turar som vil begeistre alt frå nybegynnarar til den mest erfarne kajakkpadler. Fleire overnattingsbedrifter langs heile kysten tilbyr også utleige av kajakk.
I Bremanger kan du padle langs vakre, kvite strender.
Sjå lista under for oversikt over tilbud eller kontakt oss på mail@fjordkysten.no for meir informasjon. God tur!