Du kjem ikkje lenger vest i Norge enn her.
Florø
Ta turen til Utvær, Norges vestlegaste øy! La deg overvelde av det opne og mektige havet. Vel i havn kan du nyte idyllen i det gamle fiskeværet med sitt vakre fyrtårn. Det var her vikingane slipte sverda sine før dei for i vesterled!
Ta deg også tid til å vitje Bulandet, Norges vestlegaste aktive fiskerisamfunn. Bulandet i Askvoll er eit konglomerat av øyar, holmar og skjær ytst mot havet. Dei 250 innbyggarane har i hovudsak sjøen som leveveg. Idyllisk og lunt i godvêr, og fasinerande vilt og uhemma i storm og uvêr!
Lengre nord ligg Florø, Norges vestlegaste by. Florø sentrum har klart å halde på sitt særpreg, og står i dag fram som eit travelt og sjarmerande sentrum. Byen vart grunnlag i 1860 – bygd på «havet sitt sølv» – silda – som ein finn igjen i byvåpnet.