Min vesle hemmelegheit - Anne-Karin Misje, Eivindvik

Vi deler våre små hemmelegheiter med deg! Kvar andre veke tek vi deg med til ein yndlingsstad av nokon som bur på FjordKysten.

Denne veka: Anne-Karin Misje, yndlingsstad: Eivindvik

Anne-Karin deler sin vesle hemmelegheit med dere!

Foto: Anne-Karin Misje

"Då eg vaks opp i Bergen hørte eg om Gulatinget, men ingen kunne fortelje meg kvar det var – berre at det var ”litt nord for Bergen”. Det var heilt radikalt for meg at lagmenn frå Ålesund til Lindesnes, Setesdal, Hallingdal og Valdres reiste til Eivindvik for å delta på Gulatinget i over 400 år. Og at vestlandet var maktsenter i Noreg fordi kysten var så viktig. AT kongen budde her. Her går ein faktisk og labbar rundt midt i demokratiets vogge - i dag ein fredeleg og vakker idyll. Ein kjenner seg forbunde med fortida her, og staden har ein eigen ro. Difor likar eg Eivindvik."

Eivindvik ligger idyllisk til, Foto: Anne-Karin Misje

Les Annes svar til spørjeskjemaet vårt:

Namn:	Anne-Karin Misje
Kvar bur du?	Pendlar mellom Bergen og Gulen
Kva gjer du?	Prosjektleiar for Tusenårstaden Gulatinget
Kor gammal er du?	42
Kva likar du mest her på FjordKysten?	Den storslagne landskapet, stilla og den friske lufta
Kva likar du ikkje?	Fogderi, misunning og smålåtenskap. Det er snevert og kortsynt, og kveler all utvikling. Men det kjem seg itte kvart!

Mykkje moro i Eivindvik!, Foto: Anne-Karin Misje

Yndlingsstad: Eivindvik

Kommune:	Gulen
Når var du der sist?	Eg er der i vekedagane
Når skal du dit igjen?	I morgon
Kvifor er plassen så spesiell?	Eivindvik er ein av dei viktigaste historiske plassane på vestlandet.
Kva gjer du når du er på din yndlingsstad?	Tenkjer på lovmennene som samla seg her i over 400 år og la grunnlaget for Noreg som demokrati og rettstat.
Kva skal du ta med neste gang du er der?	Kamera. Eg samarbeider med eit islandsk firma som skal lage ein tidsmaskin som vil få Gulatinget til gjennoppstå!

Steinkors ved Eivindvik, Foto: Anne-Karin Misje

Er du frista?

Les gjennom denne informasjonen for å finne ut korleis du kan finne Annes yndlingsstad.

Namn:	Eivindvik
Kommune:	Gulen
Godt å vite:	Eivindvik er kommunesenter i Gulen
Parkering:	Du kan parkere på Prestekaia nedanfor Krossteigen
Slik kan du nå yndlingsstaden:	Du kjem med bil, buss eller båt til Eivindvik. Eller tu tar Fjord1 Ekspressbåt til Sollibotn, går Nordsjøløypa eller tek bussen til Eivindvik.
Gangtid:	30 minutters gange frå Sollibotn
Ligger i nærheten:	Tusenårstaden Gulatinget på Flolid er bygd til minne om Gulatinget. Parken inneheld kunstverk av Bård Breivik og ligger 4,5 km øst for Eivindvik.