Vi deler våre små hemmelegheiter med deg! Kvar andre veke tek vi deg med til ein yndlingsstad av nokon som bur på FjordKysten.
Denne veka: Ingrid Hansen, yndlingsstad: Einingsfjellet
Ingrid deler sin vesle hemmelegheit med dere!
Foto: Ingrid Hansen
"Ingen annan stad eg veit om gir så mykje for så lite… Turen er nett starta – og plutseleg er du snart på toppen. På vegen opp anar du kva som venter deg. Du har sett utsikta og stoppa mange gonger for å få med deg ting som rører seg i horisonten – eller lydar som gjer deg merksam på endringar i utsynet. Når du tek dei siste stega opp mot toppen forstår du at det som venter deg der oppe vil gje deg nok ei overrasking. Du kan berre finne fram kaffikoppen – her er det nok å feste auga på og la tankane flyge LENGE."
 |
|
Utsikt frå Einingsfjellet, Foto: Ingrid Hansen |
Les Ingrid sine svar til spørjeskjemaet vårt:
Namn: |
Ingrid Hansen |
Kvar bur du? |
Dale i Sunnfjord |
Kva gjer du? |
Kulturarbeider |
Kor gammal er du? |
50 |
Kva likar du best her på FjordKysten? |
Optimisten |
Kva likar du ikkje? |
Manglande offentleg kommunikasjon |
 |
| Einingsfjellet, Foto: Ingrid Hansen |
Yndlingsstad: Einingsfjellet
Kommune: |
Fjaler |
Når var du der sist? |
I haust |
Når skal du dit igjen? |
Så snart snøen minkar |
Kvifor er plassen så spesiell? |
Plutseleg er du der - med den fantastiske utsikta - i alle himmelretningar - og langt til havs. |
Kva gjer du når du er på din yndlingsstad? |
Uansett kva tid på døgnet ein er finn ein alltid noko å feste auget på - eit skip på veg nordover - ein båt i sakte fart inn fjorden - fuglar rundt båten til ein fiskar - (sikkert tysk turist...) - bilar på vegen. Ingenting av dette gjeld meg nett no - eg kan berre finne roen og gjere ingenting - og la tankane flyge. |
Kva skal du ta med neste gang du er der? |
Kaffi og kamera held lenge. |
 |
| Alden frå Eidingsfjellet, Foto: Ingrid Hansen |
Er du frista?
Les gjennom denne informasjonen for å finne ut korleis du kan finne Ingrid sin yndlingsstad.
Namn: |
Einingsfjellet |
Kommune: |
Ytre Fjaler |
Godt å vite: |
Det kan vere orm i området - sjå deg for. |
Parkering: |
Ikkje så mange parkeringsplassar - men det er som regel mogeleg å finne ein plass å sette bilen. |
Slik kan du nå yndlingsstaden: |
Har alltid køyrt bil sjølv - Dale, Flekke, Hellevik, Våge - og så nokre kilometer mot Korssund. Stien er skilta ved parkeringsplassen. |
Gangtid: |
Få 20 til 60 minutt... kjem ann på formen og årsaka til at du går nett denne vegen. Kva er viktigast?; trim eller utsikten under vegs.
Ha aldri dårleg tid - det er heilt sikkert ting du vil oppdage og stoppe å sjå på under vegs. |
INGRID SIN YNDLINGSSTAD PÅ KARTET:
= Ingrid sin yndlingsstad
= gamle yndlingsstader
Vis Min vesle hemmelegheit i eit større kart
Bur du langs FjordKysten og har ein yndlingsstad du gjerne vil dele med oss?
Send epost til mail@fjordkysten.no, emne: min vesle hemmelegheit