Min vesle hemmelegheit - Egil Totland, Storevåghornet

Vi deler våre små hemmelegheiter med deg! Kvar andre veke tek vi deg med til ein yndlingsstad av nokon som bur på FjordKysten.

Denne veka: Egil Totland, yndlingsstad: Storevåghornet

Egil deler sin vesle hemmelegheit med dere!

Fanneskardvarden i det fjerne

Foto: Egil Totland

"Frå Storevåghornet har du ei vakker utsikt til Keipen/Botnane i aust, Hovden /Batalden og Frøyskjera i sør, vidare Frøyaberga og Mulen i vest og til slutt Frøyfjellet med Fanneskarvarden i Nord. I frå Storevåghornet kan du gå vidare ned til Kjerringhalsen (Minnetfyrlykt) eller du kan gå innover Storeroggene og til Nigardsfjøsane, du kan og om du vil gå vidare til Fanneskardvarden frå Storevåghornet. Like ved Storevåghornet er det eit lite vatten som du kan sette deg ned ved og gjerne lage deg eit lite båt og koke ein kopp kaffi."

Storevåghornet sitt frå Steinset ved Kalvåg, foto: Egil Totland.

Les Egil sine svar til spørringsskjemaet vårt:

Namn:	Egil Totland
Kvar bur du?	Kalvåg
Kva gjer du?	V&M Offsholeder for Aker Solutions på Snorre A plattforma.
Kor gammal er du?	43
Kva likar du mest her på FjordKysten?	Sjøen, fjella og naturen
Kva likar du ikkje?	Attgroing av kulturlandskapet

Utsikt frå Storevåghornet søndag 10 januar 2010, Kalvåg i framgrunnen. Foto: Egil Totland.

Yndlingsstad: Gangtur til Storevåghornet

Kommune:	Bremanger
Når var du der sist?	10 januar 2010 på ski
Når skal du dit igjen?	Den neste månaden.
Kvifor er plassen så spesiell?	Går opp ifrå huset mitt og vidare på ryggen av Vågefjellet, flott ustikt over Frøyskjera.
Kva gjer du når du er på din yndlingsstad?	Nyt utsikta og naturen.
Kva skal du ta med neste gang du er der?	Kikkert.

Utsikt frå Storevåghornet søndag 10 januar 2010, Frøyaberget med Mulen. Foto: Egil Totland.

Er du frista?

Les gjennom denne informasjonen for å finne ut korleis du kan finne Egil sin yndlingsstad.

Namn:	Gangtur til Storevåghornet
Kommune:	Bremanger
Godt å vite:	Stien er ikkje merka.
Parkering:	Ved krysset til Svehaugane, gå deretter 5 minutt opp til Steinsetehøgda og vidare opp på fjellet.
Slik kan du nå yndlingsstaden:	Kan gå i frå Kalvåg sentrum og ut mot Steinset, gå opp på fjellet ved fe-rista på Steinsetehøgda. Vidare opp til Lisjevåghornet og deretter langs ryggen på Vågefjellet, då ser du varden på Storevåghornet i det fjerne.
Gangtid:	Ca. 45 minutt