Turistinformasjonen i Florø

Om

Visit FjordKysten er samlokalisert med turistinformasjonen i Florø, som er open heile året. Vi tipser deg gjerne om kjekke ting å gjere på kysten av den nordlige delen av Vestland fylke. Lurar du på korleis du kan komme deg frå A til B eller flotte stader å overnatte? Kom gjerne innom oss på gateplan i rådhuset i Florø, slå på tråden til 5774 3000 eller send ein mail til mail@fjordkysten.no. 

På Facebooksida Turistinformasjonen i Florø finn du inspirasjon og tips til ferien din i Florø!

Kinn kommune
Flora kommune og Vågsøy kommune vart 1.januar 2020 slått saman til Kinn kommune. Florø by ligg i tidlegare Flora kommune.

Florø er eit moderne bysamfunn og har fylket sin eldste, og Norge sin vestlegaste, by. Til tross for dei stadige endringane i bybiletet har Florø sentrum klart å halde på sitt særpreg, og står i dag fram som eit travelt og sjarmerande bysentrum. Byen vart etablert i 1860, fordi det vart ytra ønskje om ein by i Kinn fiskeridistrikt, og det naturlege valet vart då Florø. I Florø finn du eit levande og originalt småbymiljø, med ei koseleg handlegate og eit godt utval av butikkar.

"Frå bre til kyst" er eit omgrep vi nyttar om gamle Flora kommune. Den tidlegare kommunegrensa strakk seg frå Ålfotbreen i aust til Askvoll i sør, og kan freiste med bre, kyst og innland. Her finn ein brusande elvar, vakre fjelltoppar og stille vatn, kort sagt alt ein kan ønskje seg innan ein radius på ei mil eller to. Kysten er eit kapittel for seg sjølv med eit mylder av store og små øyar. Det går dagleg båtar ut til øyane då mange av dei er bebudd, og dei er verkeleg eit eldorado for tilreisande. Det er nettopp her ein finn dei fleste sommarturistane, som kosar seg med havfiske, båtturar og dykking.