Rognaldsvåg

Om

På øya Reksta rett vest for Florø ligg Rognaldsvåg med omlag 80 innbyggjarar. Fiskeveret har ein sjeldan bygningsmasse med våningshus, naust og buer. Staden har to hamner med ein særprega kanal i mellom, der sjøhusa står tett i tett. Rognaldsvåg er rik på atmosfære og kulturminne som ravplassar og hustufter frå vikingtida.Med storhavet som næraste nabo er utgangspunktet for naturbaserte fritidsaktivitetar det beste, vi kan freiste med sportsdykking, windsurfing, fiske og turgåing. Ein fottur over Reksta på langs er ei flott oppleving!