Fyrovernatting

Er du på utkikk etter ei oppleving utanom det vanleg? Då er fyrovernatting noko for deg! Kysten av Norge er langstrakt, og ein finn mange fyrtårn som loser sjøfarande trygt mot land. Langs FjordKysten er det fleire fyrtårn der det er mogleg å overnatte.

Kvanhovden Fyr

Kvanhovden Fyr ligg like utanfor Florø, ca, 30 min. køyring med båt. Ytst ute i havgapet, kor himmelen går i eitt med havet, finn ein fyret. Heilt oppe på ei klippe ligg huset, og herifrå har ein eit utsyn utover sjøen som ikkje kan skildrast med ord. I fint vêr kan ein sette seg på terrassen utanfor huset, og nyte solnedgongen og roen. Men dersom vinden bles som allar krappast er opplevinga endå større. Ein føler seg liten når bølgjene slår opp over stuevindauget, man samtidig svært trygg inn ei eit fyrtårn som har stått mot stormar og vind i over 100 år.

Det er 10 sengeplassar i fyrboligen, fordelt på 3 soverom. Her er det enkle senger med dyner og puter. Sengetøy må ein ta med sjølv. 

Det går rutebåt frå Florø til Barekstad på Hovden fleire gongar dagleg. Det går minibuss frå kaia morgon og ettermiddag. Det er også mogleg å ordne privat bilskyss.
For å komme til fyret kan du ta buss eller bil frå Barekstad til Nord-Hovden. Herfrå er det ein flott fottur på ca 45 min til fyret. Stien er godt merka. Det er óg mogleg å leige båtskyss frå Florø direkte til Kvanhovden Fyr. Denne båtturen tar omlag 20 minutt. Meir informasjon.

Stabben Fyr

Stabben Fyr vart bygd i 1866, og ligg midt i skipsleia til Florø. Fyret dekker heile holmen det står på, og er eit populært fotomotiv. Ein kan overnatte på fyret, og det er også mogleg å leige det for dagsbesøk og middagar.

Geita Fyr

Geita fyr ligg i leia på austsida av Værlandet, i Askvoll kommune. Fyrstasjonen vart tent den 1. Oktober  i 1897. Fyrbygningen fungerte som bustad for familien som stelte fyret. I mange høve bidrog både kone og barn til drifta. Fyrstasjonen blei automatisert i 1980 og freda i 1999.

Plasseringa på toppen av øya Geita i Dalsfjorden gjer den til eit markant landemerke. Anlegget representerer dei små trefyra, og den høge spisse kuppelen på lyktehuset gir det ein eigenarta karakter. Fyrbygningen har mange originale element og stor grad av opprinnelegheit.

I dag kan du leige heile fyrmesterboligen til eige bruk. Fyrmesterboligen har plass til opp til 10 personar. Du kan og leige naustet ein kveld til fest, fisking eller grilling. Er du interessert så ta kontakt med Sirpa Markkanen på tlf. 48247723. Sjå også Facebook - Geita fyrstasjon.

Meir informasjon.

Utvær Fyr

Utvær Fyr i Solund er Norges vestlegaste fyr. Om sommaren kan du bli med på fyrsafari til Utvær. Utvær Fyr tilbyr ikkje direkte overnatting, men har vertskapsordning der det er mogleg å vere vertskap på fyret. Då får ein bu gratis i fyrmeisterboligen mot at ein gjer dugnadsarbeid og tar imot besøkande til fyret. Ta kontakt med Vener av Utvær for meir informasjon.

For meir informasjon om besøk eller overnatting på fyra, ta kontakt med oss på mail@fjordkysten.no