Jakob Sande-tunet

Om

Den folkekjære diktaren Jakob Sande (1906-67) vart fødd og vaks opp på Klokkargarden i Dale. Mange av dikta til Jakob Sande handlar om hans eiga utferdstrang og heimlengt. Vesle Daniel er ein av dei mest kjente karakterane i diktinga som handlar om dette, og i Dale sentrum står ein statue av han. På Klokkargarden finn du fødestaua til diktaren (Bestefarsstaua), våningshus og løa. Om sommaren er det sommarkafè og omvising på heile området. Her kan du høyre om diktaren, liv, dikting og kulturhistoria knytt til Dale. "Lisa i Li - krambu og bakeri" serverer heimebakte kaker, nysteikte lappar, kaffi og kuleis. Ope sundagar frå 26. juni - 21.august. Også ope laurdag 6. og 14. august under Dalsfjordveka.

Omvising, servering og arrangement for grupper kan tingast heile året. Utleige av Bestefarsstaua og Klokkargardsløa til privatpersonar og grupper til andre arrangement. Ta kontakt for prisar og meir informasjon.