Øyhopping

Bli med den lokale postbåten på øyhopping til Solund, Bulandet og Værlandet! Dette er ein flott rundtur blant dei vestlegaste øyene i Norge. Her kjem du tett på det spektakulære landskapet med tusenvis av øyer, holmar og skjær. 

Øyhopping 2017

• Bestill dine billettar her
• Årets sesong er frå 19.juni- 1.september (mandag-fredag) 
• Har du spørsmål om turen? Kontakt oss på mail@fjordkysten.no eller telefon 57 74 30 00.
• Du kan også kontakte postbåten "Stjernsund" (tlf 97 79 59 89).

Om turen

Øyriket Solund har over 1700 øyar, holmar og skjær. Det er den lokale postbåten i midtre Solund som om sommar bind saman øysamfunna i Solund og Askvoll. Postbåten er svært viktig for det vesle øysamfunnet i Solund. Fleire av øyane i kommunen har ikkje vegforbindelse og postbåten knyter dei saman med kommunesenteret Hardbakke.

Postbåten ”Stjernsund” startar turen frå Hardbakke i Solund. Herfrå går turen stort sett i roleg farvatn, og ein passerer tronge sund og mange små øyskattar. Båtføraren guider undervegs. Her kjem ein tett på natur og dyreliv – nise, kobbe og havørn er ikkje uvanlege syn på turen!

Båten stoppar der det er postlevering eller passasjerar. Siste stopp på den ordinære postruta er det idyllliske fiskevêret Gåsvær, og her får ein moglegheit til å gå på land. Gåsvær er ein gammal handelsstad, og ein får møte det lokale vertskapet. Her er det mogleg å kjøpe seg ein kopp kaffi og noko å bite i. Det er også mogleg å overnatting på Gåsvær.

Etter stoppet på Gåsvær fortsetter båten nordover til Bulandet og Værlandet i Askvoll kommune. Her går du av båten, og kan utforske øyene på eiga hand. 6 bruer og 5 km med veg knyt øyene saman, og det er ypparlege forhold for sykling! 

Vi anbefalar å starte med lunsj på ein av kafeane ved hamna, før ein leiger sykkel og utforskar øyene. Besøk utsiktspunkt, kunstutsal, det lokale bygdemuseet eller berre nyt den vakre naturen!

Godt å vite

Den lokale postbåten går frå Hardbakke i Solund kl 11.00 kvar mandag-fredag frå midten av juni til 1.september. Det er mogleg å returnere til Hardbakke frå Bulandet om ettermiddagen (avgang kl 15.30).

Kle deg etter vêret, då ein kan sjå seg om utandørs på deler av turen. Hugs gode sko og ei vind- og vanntett jakke, vêret kan skifte brått.

På Gåsvær og Bulandet er det mogleg å kjøpe mat og drikke. Hugs kontantar, då det ikkje er mogleg å betale med kort på Gåsvær.

Overnatting

Det er fleire overnattingstilbod både i Solund og på Bulandet og Værlandet. Vi anbefalar å booke overnatting på førehand og ta turen over fleire dagar. Start med nokre dagar i Solund, før du tar øyhoppingsbåten til Bulandet & Værlandet og tilbringer nokre dagar her.

Dagstur frå Bergen

Det er også mogleg å reise på øyhopping som ein dagstur frå Bergen. Kjøp rundturbillett på norled.no, Strandkaiterminalen eller turistinformasjonen i Bergen.

Reiserute

08.00 - ekspressbåt frå Bergen til Krakhella
10.20 - buss frå Krakhella til Hardbakke
11.00 - avreise med postbåten "Stjernsund" frå Hardbakke 
13.45 - ankomst Bulandet
15.50 - avgang buss frå Bulandet
16.30 - avgang ferje frå Værlandet til Askvoll
17.40 - ekspressbåt frå Askvoll
20.45 - ankomst Bergen

Dagstur frå Nordfjord og Sogn

Reiser du frå Nordfjord eller Sogn kjøper du delbillettar undervegs på turen. Postbåten har begrensa antall plassar, og ein må reservere plass seinast dagen før ein reiser. Bestill billett til postbåten her. 

Reiserute med ekspressbåt frå Sogn: 
07.05 - avreise Sogndal
07.30 - avreise Leikanger
07.50 - avreise Balestrand
08.05 - avreise Vik 
08.50 - avreise Nordeide 
09.20 - avreise Lavik
09.40 - ankomst Rysjedalsvika - båtbytte til nordgåande ekspressbåt
09.50 - avreise ekspressbåt frå Rysjedalsvika
10.15 - ankomst Krakhella i Solund

10.20 - buss frå Krakhella til Hardbakke
11.00 - avreise med postbåten "Stjernsund" frå Hardbakke 
13.45 - ankomst Bulandet
15.50 - avgang buss frå Bulandet
16.30 - avgang ferje frå Værlandet til Askvoll
17.40 - ekspressbåt frå Askvoll
18.35 - ankomst Rysjedalsvika - båtbytte til sognebåten 
19.00 - ankomst Lavik 
19.30 - ankomst Nordeide 
20.10 - ankomst Vik
20.30 - ankomst Balestrand
20.50 - ankomst Leikanger
21.20 - ankomst Sogndal